Íslandsmet karla í kringlukasti frá upphafi

30,88	Sigurjón Pétursson Á	Melavelli	3. ágúst 1913
31,94	Frank Fredericksson ÍR	Melavelli	25. ágúst 1920
32,84	Björn Vigfússon Á	??	?? 1922
33,04	Karl Guðmundsson Á	Melavelli	15. sept 1923
33,42	Þorgeir Jónsson Á	??	?? 1924
34,35	sami	??	?? 1924
38,58	sami	??	15. okt 1926
40,25	Kristján Vattnes KR	Melavelli	9. sept 1936
40,38	sami	Melavelli	28. ágúst 1937
41,09	sami	Melavelli	28. ágúst 1937
41,34	Ólafur Guðmundsson ÍR	Melavelli	12. júlí 1938
42,23	sami	Melavelli	5. ágúst 1938
43,46	sami	Melavelli	14. ágúst 1938
45,40	Gunnar Huseby KR	Melavelli	29. júlí 1946
45,62	sami	Melavelli	23. júlí 1949
47,14	sami	Melavelli	29. apríl 1950
47,19	sami	Ísafirði	28. maí 1950
49,04	sami	Melavelli	31. maí 1950
50,13	sami	Melavelli	6. júlí 1950
50,22	Þorsteinn Löve KR	Melavelli	16. sept. 1954
52,18	Hallgrímur Jónsson Á	Melavelli	18. ágúst 1955
54,28	Þorsteinn Löve KR	Melavelli	8. okt. 1955
56,05	Hallgrímur Jónsson Á	Vestmannaeyjum	30. sept 1964
56,25	Erlendur Valdimarsson ÍR	Melavelli	20. ágúst 1969
56,44	sami	Melavelli	28. maí 1970
57,26	sami	Reykjavík	17.06.1970
58,16	sami	Melavelli	16. júlí 1970
58,26	sami	Melavelli	7. ágúst 1970
59,58	sami	Melavelli	26. sept.1970
60,06	sami	Melavelli	24. okt.1970
60,82	sami	Melavelli	19. ágúst 1972
61,50	sami	Laugardalsvelli	23. júní 1973
62,08	sami	Melavelli	16. ágúst 1973
64,32	sami	Breiðabliki	25. ágúst 1974
65,60	Vésteinn Hafsteinsson HSK	Reykjavík	17.07.1983
65,60	sami	Hafnarfjörður	22.06.1988
67,20	sami	Klagshamn Sví.	17.07.1987
67,64	sami	Selfoss	31.05.1989

 

aths.

Vestur-Íslendingurinn Frank Fredericksson, dvaldist um skeið á Íslandi og flaug hér flugvél fyrstur manna. Hann var liðtækur í mörgum íþróttum, m.a. ólympíumeistari í ísknattleik með Fálkunum frá Winnipeg. Meðan hann dvaldi hér keppti Frank í frjálsum og setti fyrsta staðfesta Íslandsmetið í kringlukasti árið 1920. Liðu sex ár þar til næsta met var staðfest en í millitíðinni köstuðu þó þrír menn fjórum sinnum lengra en afrek þeirra, þó gild væru, voru ekki skráð met.

Kristján Vattnes setti tvö kringlumet sama daginn sumarið 1937. Að lokinni keppni var efnt til aukatilrauna í þeim tilgangi að reyna við nýsett met. Heppnaðist það því hann bæti árangurinn frá því fyrr um daginn um 71 sentimetra.

Þriðja og síðasta met Ólafs Guðmundssonar, hins hávaxna lögregluþjóns sem fór með hlutverk í kvikmyndinni Síðasti bærinn í dalnum,  var besta metafrek í kastgreinum samkvæmt stigatöflu.

Haustið 1944 kastaði Gunnar Huseby 43,76 metra eða 30 sm lengra en met Ólafs. Þetta var á æfingu á Melavelli en úr hring og að viðstöddum nægilega mörgum dómurum en afrekið var samt ekki skráð sem met. Annað met, upp á 47,19 metra, var ekki heldur staðfest. Þeim árangri náði Gunnar í keppni á Ísafirði en kringlurnar sem keppendum voru lagðar til reyndust ólögmætar. Aðeins þremur dögum seinna bætti hann um betur á Vormóti ÍR í Reykjavík.

Hallgrímur Jónsson ÍBV bætti metið um tæpa tvo metra í 56,05 í septemberlok 1964. Þetta gerði hann í Vestmannaeyjum og var veður gott til keppni; vindhraði á Stórhöfða mældist 9 vindstig, eða stólparok. Ekkert var við það að athuga og getur verið hin erfiðasta kúnst við slíkar aðstæður að ná eðlilegu flugi á kringluna.

Stórgóðan árangur Vésteins Hafsteinssonar á kastmóti í Klagshamn í Svíþjóð sumarið 1987 reyndist ekki unnt að viðurkenna sem met þar sem undanhalli kastsvæðisins reyndist aðeins meiri en leyfilegt var. Vésteinn bætti um betur á heimavelli á Selfossi tveimur árum seinna.